He rōpū tautōhito tēnei kapa, ā, he maha ngā kaihaka i eke ki te atamira i tēnei tau i whakataetae anō i roto i te kapa toa o te tau 1996.
E ai ki a Ngarue Ratapu, tētahi kaihaka o Ngāti Rangiwewehi Pākeke, “ko rātou kua whetūrangitia tētahi o ngā kaupapa.”
“Engari ko te tuumanako ki ahau kia kaha ki te kite to maatou roopuu taku tamaiti. Ko teera toona tuunga tuatahi ki roto i te atamira ko oona whakaaro e hoki atu ia ki te roopu kia mau tonu ki te bodice o toona māmā,” hei tāna anō.
Mō Peata Melbourne, he rerekē te tū ki te taha o ngā pākeke i tō te rōpū whakataetae matua. “Ka tino rongo i te wairua,” Hei Tā Peata. “He ngahau noa iho. He whakangahau i te iwi he whakangahau i te Māori. Kia rongo ai te wairua.” Ka maumahara anō a Melbourne i te wā i tū tuatahi ia i roto i te kapa toa i te tau 1996, i te taha o Aunty Dinah rāua ko Uncle Trev.