Kua whakatakotohia he pūtea kōpaka, neke atu i te $1 miriona, hei whakaora i te taiao o Taranaki. Ko te Minita mō Te Papa Atawhai, a Tama Potaka, kei mua i te aroaro e tohe ana kia kaha ake te mahi tahi ki te manaaki i ēnei taonga tuku iho.
“Ko te taiao te take e hoa, whakatoitū nei te taiao, te whakarauora hoki, te whakaora hoki, te whakapiki hoki te oranga o te ngahere tai atu ki te akau e tere nei, me tō tātou atanga kohatu e tū nei,” te kī a Potaka.
He whakatūpato mārō hītararī tā te Minita: ki te kore te Kāwanatanga e whakapeto ngoi, ka mate mōrearea ngā iwi me ngā hāpori e ū ana ki te taha moana me te whakamaru i ngā manu.
“Ana tautoko rawatia me te whakaaro hoki ki te kore Te Kawanatanga e tautoko, e hoa, kei whea kē mai te mahi a Te Kawanatanga, koia hoki ka kite i ngā a-iwi nei ki te whakatōpū i ngā hāpori katoa e ngana nei ki te whakarewa i ngā tangitangi a ngā manu, a, ki te whakaora hoki i ngā kai moana tae atu ki te marae atea a Tane Mahuta me Hineahuone”.
Ko te East Taranaki Environmental Centre rāua ko Te Kāhui o Taranaki ngā poutokomanawa o tēnei tautohe, ā, ko te oranga o te kōkako me te akau te kaupapa matua.
“Ko te East Taranaki Environmental Centre tō rātou whāinga matua te whakapiki hoki te nama, te kaute o ngā Kōkako me ērā atu o ngā taonga manu, tae atu ki Te Kāhui o Taranaki tō rātou momo ko te hauora ki te akau me ōna ahuatanga katoa koinei te mahi a te tātarakihi,” hei tā te Minita anō.
He tīmatanga noa iho tēnei ki a Potaka, ā, e kōkiri ana ia ki te whakawhiti kōrero ki ētahi atu iwi puta noa i te motu.
“Ki a toitu hoki te taiao, ki a toitu hoki te taiao ki Taranaki, ki Aotearoa niutireni nei, taihoa te wā kāore e roa ka haere ki roto i o taua whānaunga ki Ngāti Mutunga, ki Wharekauri ki reira hoki rongo atu ki ēnā kōrero”.
New funding secures future for Taranaki’s coastal habitats and Kōkako populations
Te Kāhui o Taranaki will receive $432,840 to map, monitor and restore critically endangered coastal turf ecosystems within the Taranaki Iwi rohe.
East Taranaki Environment Trust, which operates as the East Taranaki Environment Collective, will receive $603,760 to expand predator control and monitoring within a 46,000-hectare landscape in north-east Taranaki.