Ko Te Kapuhuia (U16 Kōtiro), ko Te Kaharoa (U14 Tama) rātou ko Tiopira Poihipi (U12 Tama) o Ngāi Te Rangi kei te whakakanohi i tō rātou moana o Tauranga i ngā tīma e toru o Te Maru o Mauao ki Tauranga Moana.
“Kei Manukura au e kuraina ana nō reira he rawe ki te hoki mai ki te whakakanohi i a Tauranga Moana nā te mea, nō Matapihi ahau,” hei tā Te Kapuhuia Poihipi.
“Ko au te kōtiro anake kei waenga i ōku tungāne nō reira kua maia ake ahau ki te taha o ōku tungāne mo tōku oranga katoa,” hei tā Te Kapuhuia.
Tae mai ai te whānau nei ki Rotorua ki te tākaro i ā rātou reanga ko ngā tuangāne a Te Kapuhuia kei roto i ngā kapa o ngā tama.
“E ngākau nui ana ahau ki tēnei hākinakina nā te mea i tākoro ahau i tēnei hākinakina i te wā i tau iwa ahau,” hei tā Te Kaharoa Poihipi.
“Kaore e taea ana koe ki te wini takitahi me toa takitini. Ko taku whāinga mo tēnei wiki ki te wini i te tōnamana katoa,” hei tāna anō.