He rā hou kua ara ake mō te kaiārahitanga o Ngāi Te Rangi whai muri i ngā horonga whenua, me tētehi tau nui mō ngā hapū o te iwi.
Ka karahuihui ngā uri ki te marae o Kutaroa ki runga o Matakana mō te hui ā-tau ki te whakatau i te huarahi whakamua.
Ka mutu ko Maru Samuels te piki tūranga mō Charlie Tawhiao, ā, kua roa rawa a Tawhiao i te tūranga o te heamana. “Ko tō tātou waimarie te nui hoki o ngā rangatira, e tupu ake ana i roto i te iwi, koira te hiahia o ōku tūpuna i te wā i ahau e tupu ana i roto i tēnei tūranga,” he ai ki a Charlie Tawhiao.
“He mahi e kore e oti ko te kotahi ai o ngā iwi, o ngā hapū o Ngāi Te Rangi, kia kotahi ai te tū o Ngāi Te Rangi, koirā tērā, me te whakanuia ake tēnā hapū, i tēnā hapū, i tēnā marae, i tēnā marae,” hei tā Charlie anō.
New Ngāi Te Rangi chair brings extensive fisheries industry experience
Maru Samuels of Ngāti Tuwhiwhia and Ngāti Tauaiti descent, holds several Directorships, including with Matakana Blueberries and Seafood NZ, and has an extensive background in the seafood and fisheries industries.
Samuels attended his first Iwi Chairs Forum hui in Waitangi this year on behalf of Ngāi Te Rangi.
“Firstly to acknowledge Charlie Tawhiao who held that role for a long long time,and the enormous mahi that I get to see now that he did on behalf of the iwi,” says Maru Samuels.
“Privileged to have the confidence of the board, to take on the role and I have only been in the role for a couple of months,” he says.
Ko Roimata Ah Sam te pouwhakahaere tuarua o Te Rūnanga o Ngāi Te Rangi e hikaka ana ia kia noho ngātahi me te iwi whānaui ki te āta wānanga i ngā kaupapa kei mua i ngā hapū me ngā marae.
“He mīharo ngā mahi o te rūnanga mō te tau kua horī nei, engari e pā ana ki ngā taumahatanga o Tauranga whānui, kia kotahi mai tātou o Tauranga moana, kia aro ki ngā taumahatanga e pā ana ki ngā horohoro puta noa i a Tauranga moana whānui,” hei tā Roimata.
“Me koke tonu i ngā kaupapa e ora tonu ai tēnei mea te Ngāi Te Rangitanga kia ora tonu te mana o Ngāi Te Rangi,” hei tāna anō.
“I kite mātou i ngā wiki kua horī nei, ko ngā marae i whakatūngia ngā take haumaru, nā rātou hoki i tukuna mai kei hea tēhea, anō nei, ko wai e ora ana ko wai kua ngāutia ana, ko te ātaahua o te terenga wai o ngā kōrero i roto i a Tauranga moana, i puta i ngā marae, i ngā whānau, kaua ko ngā Kaunihera.”