Kua tīmata ngā whakataetae Kapa haka Kura Tuatahi ā-rohe o Te Arawa ki Paepae Hāku Manu i Rotorua. Rua tekau mā rua ngā kura e whakataetae ana kia whai i tētahi o ngā tūranga e rima ki te whakataetae ā-motu ki Whāngārei ā tērā tau.

Ka tūwheratia te kaupapa me te rā tuatahi e Ngā Purapura o Te Kura Kaupapa o Whakarewa i te Reo ki Tūwharetoa, ā, ko te whāinga matua ko te eke ki ngā whakataetae ā-motu. 

Ka whakamārama mai te manukura tama a Ngāio Paki i te take o te tū ki te atamira, “te whakaatu atu i tō mātou Tūwharetoatanga” i te mea “nō Tūwharetoa,” hei tā Ngāio. “Ki te whakaatu nō Te Arawa, nō Tūwharetoa hoki.”

Ka whakahua te pouako matua a Maahinaarangi Morehu-Isaacs i te hiranga o te whakataetae mā ngā tamariki, mā te kī, “Ko tā mātou whāinga kia tae mai ā tātou purapura o Ngāti Whakarewa ki tēnei o Ngāti huihuinga e kite ai rātou i te pito mata o tētahi āhuatanga atu i te taiopenga o Ngāti Tūwharetoa me te rongo o tā rātou hikaka. Koira te mea nui.”

I tautoko te pouako a Keahe Makekau i taua whakaaro, me te kī, “Ko te wheako te painga ka wheako nui ēnei tamariki kia tae ki te ao haka ki te whakataetae me kī.” I karanga anō a Makekau ki te rōpū, “He aha tēnei mea te tuwharetoatanga Koutu? MAHI TAHI!”

I te whakaatu a te kaihaka a Werihe Te Heuheu i tōna ngākau, i kī ia, “I te mea tino hīkaka ana i te mea ko tēra te mutunga o ngā waiata katoa i te mea kia whakahīhī kia tōku tinana i tēra waiata katoa.”