Ka tae atu te hapori whānui o Te Arawa ki te tuku poroporoaki whakamutunga ki tō tētahi o ngā tino kuia aroha o Ngāti Pikiao, ki a Lena Hinerunga Rapana. I te karapotinga e te aroha o te whānau me te hunga i whai wāhi ki tōna ao, ka whakatakotoria tōna tinana ki te takotoranga whakamutunga.
E ai ki tana mokopuna, ki a Allison Rapana-Brailey, he tino taonga ngā akoranga i tukuna iho e ia:
“Ka tino mokemoke au ki taku kuia. Nāna ahau i whakaako. Nāna ahau i poipoi. Nāna ahau i toa ki tēnei ao.”
I whakahua hoki a Tihini Grant nō Ngāti Pikiao i te nui o tōna mana me tōna tautoko i ngā kaupapa o te iwi:
“Ko tōna kaha ki te haere tautoko ki te Koroneihana nga kaupapa o te Kiingitanga. Ahakoa kua haere a Ngāti Pikiao ki hea koia tēna hei whakaiaki hei panguangu mō ēra kaupapa mō tōna iwi o Ngāti Pikiao.”




I kōrero anō a Paiaka Udy mō tōna ngākau ngāwari me tōna aroha ki te hapori katoa:
“Tēnei momo o to tātou kuia a Hinerunga he ngāwari ia. Ahakoa kei ētahi wā he kōhete ka puta mai i tana waha ehara he kōhete i runga anō i te kino. Ehara he kōhete i runga i te hē o te tangata. Engari he kōhete i runga ano i te aroha.”
Haere atu rā e te kuia Hinerunga, moe mai rā i roto i te rangimārie.