Kua rite te kapa Kī-o-rahi teina o Ngā Taiātea Wharekura mō te Whakataetae Kī-o-rahi ā-Motu, e kīia nei ko Tupurahi.
Ka tū te Whakataetae ā-Motu nei ki Rotorua i tēnei tau, ā ko tā te whakataetae nei, kia whakatōpūngia ngā kapa Kī-o-rahi Teina o te motu (Tau 9, Tau 10) ki te pakanga i runga i te whīra.
“E hīkaka ana tōku ngākau, he wā tuatahi au e tākaaro Kī o rahi mō te motu,” hei tā tētehi o ngā kaitākaro o te kapa nei a Tamara Mariu Rangi.
Ehakē i te mea he tauhou a Tamara Mariu Rangi (Tau 9) ki te kēmu nei. E hīkaka ana i ki te tākaro ki te Whakataetae ā-Motu. Ko tōna āki ki tōna kapa kia kaua e āwangawanga, ā, me āta haere.
“Ko aku kupu akiaki, kia āta haere, kia kaua e āwangawanga,” hei tā Tamara anō.
Ko ngā whāinga matua o te kapa Kī-o-Rahi nei, kia ū ngā kaitākaro ki ā rātou uara o te kura me te whakatairanga i te reo i runga i te whīra.
E rua rā te roa o te Whakataetae ā Motu nei, ka tū te whakataetae ki ngā whīra o Puketawhero i Rotorua hei te Tāite 05 o Noema me te Paraire 06 o Noema.
Torohia ki ngā paepāpori o Te Arawa FM mō ngā Pāho Mataora o te Whakataetae nei.