Kua tata mai te wa ki te whakakakahu i te wairua o te reo Māori. Hei te Wenerei, te 9 o Hepetema, ka wātea mai te kohinga kākahu Kia Kaha Te Reo Māori ki ngā toa 84 o The Warehouse puta noa i Aotearoa, me te ipurangi hoki.
Nō te tau tuatoru nei te mahi tahi a The Warehouse me Te Taura Whiri i te Reo Māori ki te whakaputa i tēnei kohinga, i mua tata i te taenga mai o Te Wiki o te Reo Māori, ka tīmata nei i te 14 o Mahuru.
E ai ki a Ngahiwi Apanui-Barr, Tumu Whakahaere o Te Taura Whiri, he whāinga nui tō tēnei kohinga: “Ko tā tā mātou kohinga o Kia Kaha Te Reo Māori he tuku ki te tangata i tētahi ara mārakerake ki te whakanui i tō tātou reo taketake. Ko tāna, he whakaatu atu, he wāhi tō te reo Māori i ia tāone, i ia hapori – ahakoa koe nō hea, ahakoa koe kei hea i Aotearoa”.
Kei roto i te kohinga o tēnei tau ngā huri, ngā tīhāte, ngā poraka, ngā pōtae, ngā tarau poto hāwerawera me ngā kuhutahi pēpi, me ngā rahinga e timata mai ana i te rahinga pēpi tae noa ki te 6XL.
I te mea i hokona katoatia te huri pounamu i te tau 2025, e tohu ana a Carrie Fairley, te Āpiha Rawa Matua ki The Warehouse, me tere te iwi ki te hoko: “Ko te huri pounamu te tino rawa i tērā tau, nō reira ka wātea ētahi anō i tēnei tau. Engari me kaua e tūpono noa nā te mea ka wawe anō te hokotanga atu”.
“E poho kererū ana mātou ki te tū me tētahi tohu o te whakarauoratanga o te reo Māori me te anamata o tōna hauora,” tā Carrie.
Ka wātea te kohinga ki ngā toa o The Warehouse puta noa i te motu hei te Wenerei, te 9 o Hepetema.