Kua hoki mai anoo a Te Kapa o Te Toka Tuu o Waikato ki te ao whakataetae kapa haka, whai muri i te waa roa e tekau maa whaa tau e moe ana te kapa nei.
I teenei tau, ka tū aatou ki te papa matua moo ngaa whakataetae aa rohe o Tainui, he hokinga nui moo ngaa uri o Ngaati Naho.
Ko Brad Totorewa i whakatuuria te kapa nei i te tau 1998, aa, noo muri mai ka memeha haere ngaa mahi a te roopuu. Wheoi anoo, kua ora anoo te kapa i eenei raa, aa, e hiikaka ana ngaa mema ki te whakaatu i too rātou koha ki te ao whaanui, kaua ki te rohe anake.
Hei taa te kaihaka, a Whiringaa Totorewa, he tino honore te kawe i te taera motuhake o Ngaati Naho ki runga i te atamira.
“He ngana ki te uu ki o maatou ake tikanga. Kei teena iwi, kei teena iwi kei teena kapa too raatou ake taera. Moo maatou hoki he ngana kia noho ki o maatou ake tikanga. He kapu ngaa wiri, he takahi paku nei ngaa turi. Ko eera momo aahuatanga.”
Hei taa Te Oko Horoi Totorewa, te tama a te kaiwhakarewa, ahakoa ngaa taumahatanga kua pā ki te iwi i ngā tau kua pahure, e tino hiahiatia ana te reo me te wairua o te kapa i eenei raa.
“Ko te taahuuhuu nui pea o te kaupapa o te Toka Tuu o Waikato ko te Kiingitanga. Engari ko te Kiingitanga, hei taa ngaa waha koorero o o maatou tuupuna. Eera koorero i tarawhati mai raatou hei waha hei waiata hei haka ma maatou.”
Ahakoa ngaa wero, e uu ana Te Toka Tuu o Waikato ki te whakaora i te reo me ngaa tikanga, me te kawe anoo i te ihi, te wehi, me te wana ki runga i te papa whakataetae.
“Kia tino rongo taa taatoui waka engari te ao e koorero mai naa koe i ngaa paauaua, ngaa whakahaawea piiere nuku i tau ki runga i a maatou tupuna. Engari e rongo nei i o maatou karangatanga i tuawhenua i eera tuuaahuatanga i teenei waa. Noo reiraa ka tangi tonu te ngaakau.”